PA MAMRE 20-26 Pebruari 2022

SERMON PA MAMRE 20-26 Pebruari 2022

Kejadin 1:31, Mazmur 24:1-2

TUHU-TUHU MEHULI

Pdt. Agustaria br Manik, M.Th

 

Penjelasen nats

Tuhu-tuhu mehuli (tob me od) merupaken kesimpulen ibas proses penciptaan Dibata nangndangi doni enda. Kenca Dibata ngidah kerina si itepana maka idahna tuhu-tuhu mehuli. Tuhu-tuhu mehuli  ncidahken kesenangne ras keriahen ukur Dibata ngidah tinepaNa. Maka kepeken labo lit si lamehuli sinitepa Dibata I doni enda. Kerina si itepa Dibata mulai kin ibas sikitikna nari she ku simbelinna maba kesenangne ras keriahen man Dibata si nepasa. Ikataken tuhu-tuhu mehuli lit ibas pandangen Dibata si nggo nepasa. Banci iertiken pe sura-sura Dibata nepa doni enda enggo tersehi. Tuhu-tuhu mehuli sinimakssud ibas ay 31 eme kesimpulen ibas proses penciptaan mulai wari pemena she pe enemken. Bagepe tuhu-tuhu mehuli secara terus menerus terjadi ibas terjagana tinepa Dibata e.

Adi pe siprerdiateken kerina doni ras isina maka kita pe erpengue ras kai sinikataken Dibata e, maka tuhu-tuhu mehuli doni ras kerina isina si itepa Dibata e. kesaksian pemazmur ibas Mazmur 42 nggambarekn kerna Dibata ras tinepaNa. Mazmur 42 enda eme Mazmur ziarah siiendeken bangsa Israel tupung bengket kubas rumah pertoton tupung maba Tabut Perjanjian. Ende-enden enda imulai alu nehken pujin man dibata si enggo nepa doni ras kerina isina. Dibata kap simada doni enda, termasuk pe manusia, Dibata kap nepa, netapken ras njagaisa.

 

Pengkenaina

  1. Konfesi GBKP: Tinepa Dibata eme sada kiniersadaan si kuh sinibereken Dibata man mausia selaku teman Dibata sada aron guna ngusahai, mepekena-kena ras makeken tinepa gelah tetap kuh (Kej 1:28, 2:15).

Alu bage tanggungjawab manusia guna njagai tinepa Dibata segelah tetap min kuh. Kata kuh banci eirtiken seri ras tetap mehuli, la ceda, terjaga kelestarianna.

  1. Sebagai manusia sinitepa Dibata alu akal ras pikiren kita pe ngidah maka kerina sinitepa Dibata e tuhu-tuhu mehuli. Adi jujur kita megati kita lawes ku ingan-ingan wisata sikin e tinepa Dibata. Misalna ku tepi pantai. Kagum ras malem ukurta natapsa, adi siidah lingkungen si bersih ras asri megati kita mulih-ulih ku je menikmatisa. Alu kata sideban kita sebagai manusia menikmati keindahen alam tinepa Dibata e. nuate arah tema PA Mamre sekali enda, mamre la hanya jadi penikmat/ pengagum tapi banci pe mpekena-kena/ njagai/ tinepa Dibata gelah tetap min tuhu-tuhu mehuli.
  2. 6 Juni 1985 erkelangken Parpem GBKP ngaloken Kalpataru erkiteken GBKP muat bagin njaga lingkungen hidup, alu la ncedai lingkungen hidup alu mabngun PLTA I kuta-kuta, mengoptimalken pengairen. Ibas sasaren program tahun 2022 alu Kreatif Merawat Lingkungan Hidup banci min mulihi GBKP alu kreatifitas wargana ncidahken dahin/ gebraken ibas njagai dingen mpekena-kena Lingkungen hidup.

 

 

Login/Register access is temporary disabled
Compare items
  • Total (0)
Compare