BAHAN MORIA
“Dibata Erdahin Guna Kiniulinnta”
Roma 8: 28 – 30
Pdt. Herdiana br Sembiring
A. Penjelasan Teks
a. Konteks Kitab Roma
Kitab Roma, tentu sieteh eme surat Paulus si gedangna kal, si teologisna kal janah nina si paling berpengaruh. Hal sienda tentuna idasari erkiteken surat enda itujuken labo terjeng man perpulungen Roma, tapi man kerina doni, erkiteken Rasul Paulus ibas paksa sie sangana mempersiapkan perkunjungan ku roma bagepe pelayanen selanjutna ku Spanyol.
Emakana melala hal-hal teologis si ibahas ibas surat enda si tentuna jadi dasar pelayanan Rasul Paulus bagepe hal-hal si berkaitan ras pergumulen perpulungen roma secara terkhusus eme :
1. Berita Hoaks si memutarbalikan ajaran Rasul Paulus
2. Persoalen Perpulungen Yahudi ras non Yahudi
b. Roma 8:28-30
Tentuna adi ngoge bahan enda, kita la banci lang arus memahami ntah paling tidak ngoge lebe kerina bagin ibas bagin Roma 8, khususna ayat 18-30, erkite-kiteken hal sie banci mereken pemahaman man banta, kai si jadi alasan maka ibas bahannta enda, rasul Paulus ngatakenca “Dibata erdahin guna kiniulinnta”.
Adi siperdiateken ibas ayat 18 tangkas ikataken Rasul Paulus maka “Kiniseran si inanami kita genduari labo kai pe e adi ibandingken ras kemalemen ate si pagin ipetangkas Dibata man banta”, arah pemena enda saja maka kuakap sidat sada kesimpulan, bas paksa sie, Rasul Paulus sangana menyakinkan perpulungen Roma, maka kai siterjadi ibas dirina lenga bo kai pe ibandingken kai si banci jadi man bana pagi. Janah adi terdauhen si gar-gari maka siterjadi eme penyiksaan man kalak si erkiniteken man Kristus.
Nah adi bagi Rasul Paulus mungkin hal sienda nggo banci ipahamina, tapi bagi kalak si “kinitekenna” banci kataken “seumur jagung” denga tentuna penyiksaan man bana, eme salah sada hal si cukup mberat ibas ia, emakana ibas paksa enda, Rasul Paulus menyakinkan perpulungen segelah tetap paguh ibas kinitekenna man Tuhan Jesus.
Ibas bagin pengogennta, Rasul Paulus nuriken sada pemahaman bagi temanta sendah,eme “Dibata erdahin guna kiniulinnta”, hal sienda erbahanca keyakinan man banta maka ibas situasi siugapana pe Dibata tetap erdahin guna kita, tapi perlu siinget ibas bagin pengogennta lit kata “erkeleng ate man baNa”. Banci jadi enda eme sambungan ibas bagin awal, maka Dibata erdahin guna kiniulinnta man kalak si tetap mempertahanken kinitekenna man baNa ibas situasi siugapana pe. Bahkan ikataken Dibata ngerembaken diriNa man kalak ipilihNa e.
c. Kaitan Ras Tema
Ibas doni enda, mekatep kita bage, nggit “Dibata erdahin guna kiniulinnta” tapi Dibata sajalah sierdahin, kita terjeng menikmati hasilna. Hal sienda tentuna la banci, erkiteken
kininggiten Dibata erdahin enda teridah arah kita pe selaku kalak si nggo ipilihna. Terpujilah Tuhan. Amin.
